zedlik (zedlik) wrote,
zedlik
zedlik

потс маркоты і адчаю

Думка пра тое, як прычапіць слоўнік да Хрома старанна выпілоўвала мне мозаг тры дні і тры ночы. Урэшце розум перамог і я палез разьбірацца, як гэта зрабіць. Тое, што гугал на аснове hunspell’а прыдумаў чарговы свой фармат разам з локшынай пра хутчэйшую загрузку і іншую лухту, не магло не засмучаць чарговым несумяшчальным фарматам, але вось выяўленьне факту таго, што для перапрацоўкі звычайнага слоўніка ў адмысловы фармат bdic патрэбная магічная праграма convert_dict.exe крыху паставіла ў тупік. Справа ў тым, што гэтай праграмы нідзе няма. Можна адшукаць шматлікія згадкі пра яе ў логах buildbot’а, нейкія левыя адсылкі да гэтай назвы ў іншых месцах, нават паведамленьне пра ўключэньне яе ў білд, але рэальна яе нідзе няма. «Вось ідыятызм,» — падумаў я. «Значыць будзем зьбіраць хром з сорцаў,» — адказала сэрца. «Значыць будзем,» — згадзіўся я.

Ну што, інструкцыя ёсьць — пагналі. Каб пасьпяхова сабраць хром нам спатрэбяцца Windows XP SP2 or later — 1 штука, Microsoft Visual Studio 2005 Pro — 1 штука, SP1 да яе — 1 штука. Пара хотфіксаў, Windows SDK 6.1 і svn-кліент. На самі сорцы яшчэ забыўся. Ня так і шмат. Паехалі. Пакуль грузіліся сорцы (460 Мб), я шукаў Visual Studio. 2005 не знайшоў, затое знайшлася 2008. Варта будзе зазначыць, што спачатку хацеў выкалупаць гэты convert_dict.exe з сорцаў і сабраць яго асобна, але вар’яцкія залежнасьці не далі прабрацца па старым верасьнёўскім архіве глыбей за трэці ўзровень. Таму гэты варыянт сам сабою і адваліўся.

На 80% загрузкі архіву з сорцамі аказалася, што іх ужо вынесьлі з сэрвэра. Гэта проста фэерычна. Чувакі гадамі захоўваюць гігабайты гаўна ў маёй пошце, а архіў з сорцамі ня можа паляжаць і тыдня. Прыйшлося грузіць апошні архіў з сорцамі наноў, толькі больш інтэнсіўна, каб пасьпець да таго, каб яго зноў выдаляць з сэрвэра. Пасьля распакоўкі з svn’у ўсе абнавілася пасьпяхова, заставалася зусім нічаво — загрузіць і ўсталяваць апошні SDK. Кантрольны замер памеру тэчкі з сорцамі паказвае 1,55 Гб.

І тут пачалося самае цікавае. Больш фэерычнага гаўна ад Майкрасофту я ня бачыў. Калі раней усё ставілася і працавала адносна без праблемаў, то пра SDK 6.1 я раскажу падрабязьней. На афіцыйным сайце ляжыць онлайн-усталёўшчык, які прасунута і зручна можна выцягнуць з нэту толькі патрэбныя кампанэнты, каб хутка і прыемна. Але было б прасунута і зручна, калі б гэта атрымалася. А насамрэч выходзіць усё так. Выкідаю дакумэнтацыю і сэмплы, пакідаю хэдэры, цісну на далей, усталёўшчык кажа, што трэба загрузіць 50 мэгабайт, я кажу крута грузі, ён выгружае 40 і вылятае па таймаўце. І ніякіх рэтраяў, увогуле нуль, ноль і зэро. Дзьве опцыі на выбар: запусьціць усталёўшчык яшчэ раз альбо загрузіць DVD-вобраз. Другі і трэці разы паўтараецца тая ж трасца. Давялося грузіць DVD-вобраз. Толькі ён займае 1,3 Гб замест 50 Мб, якія мне былі патрэбныя. Ну ці не підарасы?

Было б крута, калі на гэтым фэерыя скончылася, але кабжаж. Усталёўваю SDK, запускаю канфігуратар вэрсіяў, а ён вылятае па памылцы. На палове пераўсталёўкі я дайшоў у гуглоўскім мануале да радка «If this program crashes, try running it from the command line with: windowssdkver -version:v6.1 -legacy» і пачасаўшы рэпу прыняўся адкотваць усё назад. Але прыкол быў у тым, што кансольная вэрсія таксама выкідала эксэпшан. Я ўжо было падумаў, што фініта, але выявілася, што існуе трэці сакрэтны спосаб сканфігураваць асяродзьдзі. Ён і быў пасьпяхова заюзаны.

2008-ая студыя ўбачыўшы сорцы ад 2005 жвава прапанавала сканвэртаваць іх у свой фармат, і я ад безвыходнасьці і з ўсьведамленьнем таго, што хрэн мне пашанцуе яшчэ калі цывільна абнавіцца праз svn, пагадзіўся. Астатняе аказалася справай тэхнікі, і ололо праз паўтары гадзіны білду (зноў схлусілі, абяцалі ад 25 хвілінаў да гадзіны) я атрымліваю запаветны радок

========== Build: 152 succeeded, 0 failed, 0 up-to-date, 1 skipped ==========

файл chrome.exe ў тэчцы Debug і яшчэ вагон іншага барахла, якое ня вельмі і патрэбна, але на якое будзе цікава паглядзець. Сабраны дэбужны білд аказаўся як ні дзіва цалкам працоўным і пакуль нават яшчэ ні разу ня вываліўся. Мераем вэрсію — 2.0.159.0 (8609). Мераем тэчку з сорцамі — 9 Гб. Пайду пасплю хоць крыху, заўтра будзе цяжкі дзень.
Subscribe
  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 20 comments